உன் கண்கள் சொல்லுவ தென்ன
என் பார்வை புரிந்தும் பெண்னே..!
உள்ளத்தில் நீ அமர்ந்து என்னையே
கள்வனாய் மாற்றிய தென்ன..!
பாறையாய் இடுங்கி கிடந்த யென்னை
சிற்பமாய் புகுந்த மாய மென்ன...!
சொற்களில் உனக்கு பிடித்தமில்லையா!?
கற்கண்டு பார்வையால் கவிழ்ப்ப தென்ன...!
சுடும் பார்வை கூட குளிர் நிலவாக மாறி
பனிக்கூழாக உன்னில் என்னிதயம் வழிவதென்ன..!
கவி பேசும் திராட்சை கண்களுக்கு
காதல் சொன்னால் மட்டும் கோவமென்ன...!
இரு கண்கள் சந்திப்பில் ரசவாதம் நிகழ்வதென்ன
கண்ணே உன்னைக் கண்டு
என் இதயம் இடம் மாறுவதென்ன ...!
                              -- பிரவீணா தங்கராஜ் .